Qabul
Al-Xorazmiy maktabiga qabul jarayoni haqida to'liq ma'lumot
2026/2027 o'quv yiliga qabul
Qabul hozircha yopiq. Yangiliklardan xabardor bo'ling.
Qabul jarayoni
Maktabimizga 5-sinfga qabul tanlov asosida amalga oshiriladi. Ariza onlayn topshiriladi, so'ngra kirish imtihonlari o'tkaziladi.
Qabul talablari
- 4-sinfni tamomlagan o'quvchilar
- Matematika fanidan yuqori o'zlashtirish
- Andijon viloyati hududida yashash
Kirish imtihoni
Kirish imtihonlari matematika va ingliz tili bo'yicha yozma shaklda o'tkaziladi.
Kerakli hujjatlar
Ariza blankasi
To'ldirilgan ariza blankasi
Tug'ilganlik guvohnomasi nusxasi
Ko'p beriladigan savollar
Maktabimizga qabul ariza.piima.uz portali orqali amalga oshiriladi. Nomzodlar dastlab portalda ro'yxatdan o'tib hujjat topshiradilar, so'ngra kirish test sinovlarida ishtirok etadilar. Test natijalari e'lon qilingach, o'quvchilar to'plagan ballari bo'yicha saralanadi va bo'sh o'rinlar shu ketma-ketlik asosida to'ldiriladi.
Kirish imtihonlari asosan 5-sinfga qabul uchun o'tkaziladi. Test ikki bo'limdan iborat: matematika bo'limida 25 ta savol va ingliz tili bo'limida 15 ta savol beriladi. Yakuniy natija to'plangan umumiy ball asosida belgilanadi.
Ha, albatta. Maktabimiz 222 o'ringa mo'ljallangan zamonaviy yotoqxonaga ega. Uzoq tumanlardan qatnaydigan o'quvchilar yotoqxona bilan to'liq ta'minlanadi va ular uchun barcha zarur sharoitlar yaratilgan.
Yo'q. Maktabimiz ixtisoslashtirilgan ta'lim muassasalari tarkibiga kirgani sababli o'qish mutlaqo bepul — hech qanday to'lov olinmaydi. Bundan tashqari, qatnab o'qiydigan o'quvchilar kuniga 2 mahal, yotoqxonada yashovchi o'quvchilar esa kuniga 4 mahal bepul ovqat bilan ta'minlanadi.
Maktabimizga har yili asosan 5-sinf o'quvchilari qabul qilinadi. Shuningdek, yuqori sinflarda bo'sh o'rinlar mavjud bo'lsa, o'sha o'rinlar uchun ham alohida kirish imtihonlari e'lon qilinadi va o'quvchilar tanlov asosida qabul qilinadi.