Direktor ligasi final bahslari maktabimizda bo‘lib o‘tdi

Maktabimizda o‘quvchilar o‘rtasida tashkil etilgan “Direktor ligasi” musobaqasining final bahslari sinflar kesimida qizg‘in va murosasiz ruhda bo‘lib o‘tdi.

Final bosqichida jamoalar g‘alaba uchun bor kuch va mahoratlarini ishga solib, chaqqonlik, jamoaviy hamjihatlik, sport mahorati va sog‘lom raqobatni namoyon etdilar.

Har bir bahs o‘zining keskinligi, hayajoni va unutilmas lahzalari bilan muxlislarga ko‘tarinki kayfiyat ulashdi.

Barcha ishtirokchilarni munosib ishtiroki bilan tabriklaymiz! G‘olib va sovrindor jamoalar tez orada munosib taqdirlanadi.

“Direktor ligasi” — nafaqat musobaqa, balki do‘stlik, jamoaviylik va g‘alabaga intilish maktabi!