2-chorakning ilk Speech Time tadbiri ko‘tarinki ruhda bo‘lib o‘tdi

Maktabimizda 2-chorakning ilk Speech Time tadbiri tashkil etildi.

Tadbir O‘zbekiston Respublikasi Davlat madhiyasi bilan boshlandi. Shundan so‘ng 8-sinf o‘quvchilari tomonidan tayyorlangan quvnoq o‘yinlar, qiziqarli shartlar va ko‘tarinki kayfiyat ulashuvchi chiqishlar tadbirga yanada fayz bag‘ishladi.

Tadbir davomida ma’naviy-ma’rifiy ishlar bo‘yicha direktor o‘rinbosari K. Isajonov o‘quvchilarni yangi chorak bilan samimiy tabriklab, ularga o‘qishlarida ulkan muvaffaqiyatlar tiladi.

Shuningdek, maktab direktori R. Abduraximov boshchiligida «Nauka 0+» xalqaro festivalida g‘oliblikni qo‘lga kiritgan o‘quvchilar taqdirlandi.

Yangi chorak — yangi imkoniyatlar, yangi marralar va yangi muvaffaqiyatlar!