“Ixtirochilikka qadam” ko‘rik-tanlovining maktab bosqichi

Maktabimizda o‘quvchilar o‘rtasida “Ixtirochilikka qadam” ko‘rik-tanlovining maktab bosqichi bo‘lib o‘tdi.

Tanlovdan ko‘zlangan maqsad — o‘quvchilarning ilmiy-texnik ijodkorligini rivojlantirish, innovatsion g‘oyalarini qo‘llab-quvvatlash, ixtirochilik salohiyatini yuzaga chiqarish hamda ularni yangi loyiha va ixtirolar yaratishga rag‘batlantirishdan iborat.

Loyihalar quyidagi yo‘nalishlarda qabul qilindi:
Ta’lim — ta’lim jarayonini takomillashtirishga qaratilgan innovatsion g‘oyalar va loyihalar.
Axborot texnologiyalari — dasturiy ta’minot, robototexnika, sun’iy intellekt va raqamli yechimlar.
Yashil energiya — qayta tiklanuvchi energiya manbalari va energiya tejamkor texnologiyalar.
Ekologiya — atrof-muhitni muhofaza qilish, chiqindilarni qayta ishlash va ekologik muammolarga yechimlar.
Iqlim o‘zgarishi — iqlim o‘zgarishining oldini olish, uning oqibatlarini kamaytirish va barqaror rivojlanishga qaratilgan loyihalar.

Tanlov jarayonini maktab direktori R. Abduraximov boshchiligida ma’naviy-ma’rifiy ishlar bo‘yicha direktor o‘rinbosari K. Isajonov hamda tarbiyachi pedagoglar baholab bordilar. Ishtirokchilarning taqdim etgan loyihalari, ijodiy yondashuvlari va ixtirochilik g‘oyalari e’tiborga olindi.

Tanlov o‘quvchilarning izlanuvchanligi, ijodiy fikrlashi va zamonaviy texnologiyalarga bo‘lgan qiziqishini namoyon etishlari uchun muhim imkoniyat bo‘ldi.