“Kelajak soatlari”: Ustozga ehtirom — millatga ehtirom

Maktabimizda navbatdagi “Kelajak soatlari” mashg‘ulotlari barcha sinflarda o‘tkazildi. Bu safargi mashg‘ulotlar Milliytarbiya.uz platformasi orqali “Ustozga ehtirom — millatga ehtirom” mavzusiga bag‘ishlandi.

Mashg‘ulotlarda o‘quvchilarga ustoz va murabbiylarning yosh avlod ta’lim-tarbiyasidagi o‘rni, ularning fidokorona mehnati va jamiyat taraqqiyotiga qo‘shayotgan hissasi haqida so‘zlab berildi.

Shuningdek, o‘quvchilarda ustozlarga hurmat va minnatdorlik tuyg‘ularini mustahkamlashga qaratilgan suhbatlar va fikr almashuvlar bo‘lib o‘tdi.