“So‘nggi qo‘ng‘iroq — 2026” tantanasi

2025–2026-o‘quv yilining “So‘nggi qo‘ng‘iroq” tadbiri “Yuksak ma’rifatli avlod — Uchinchi Renessans poydevori!” shiori ostida ko‘tarinki ruhda bo‘lib o‘tdi.

Tadbir O‘zbekiston Respublikasi Davlat madhiyasi bilan tantanali ravishda boshlandi. Maktab direktori Ravshanbek Abduraximov Prezidentimizning bitiruvchi o‘quvchilarga yo‘llagan tabrik va tilaklarini o‘qib eshittirdi.

Bayram davomida o‘quvchilar tayyorlagan badiiy chiqishlar namoyish etildi. Kuy-qo‘shiqlar, she’rlar hamda sahna ko‘rinishlari tadbirga o‘zgacha fayz bag‘ishladi. Yakunida faol va iqtidorli o‘quvchilarga “E’tirof — 2026” mukofotlari tantanali ravishda topshirildi.