Navbatdagi “Speech Time”: yangi haftaga ko‘tarinki kayfiyat bilan

Maktabimizda navbatdagi “Speech Time” tadbiri bo‘lib o‘tdi.

Tadbir O‘zbekiston Respublikasi Davlat madhiyasi bilan tantanali ravishda boshlandi. Shundan so‘ng ma’naviy-ma’rifiy ishlar bo‘yicha direktor o‘rinbosari K. Isajonov o‘quvchilarga yangi haftada omad, o‘qishlarida muvaffaqiyat va yuksak natijalar tiladi. Shuningdek, haftani a’lo kayfiyatda boshlash, bilim olishga yanada mas’uliyat bilan yondashish hamda o‘z oldilariga katta maqsadlar qo‘yish muhimligini ta’kidladi.

Tadbirni 10-“B” sinf o‘quvchilari quvnoq o‘yinlar, qiziqarli chiqishlar va ko‘tarinki ruhdagi lahzalar bilan davom ettirdilar.

Shuningdek, avvalgi tadbir va bellashuvlarda faol ishtirok etib, munosib natijalarga erishgan o‘quvchilar taqdirlandilar.

Yangi hafta — yangi maqsadlar, yangi imkoniyatlar va yangi zafarlar sari qadam!